Þýddar smásögur

Bækur á ensku

Blindi maðurinn




Blindi maðurinn er falleg og hjartnæm saga sem segir frá fiðluleikara sem verður fyrir því að missa sjónina. Góð saga um mannlegan breyskleika og mannlega gæsku.

Íslenska þýðingin kom árið 1905 og er þýðandinn nefndur Juvenis sem merkir einfaldlega ungur maður, en við vitum ekki nánari deili á honum.

Höfundurinn Sophie Bawr (1773-1860) barónessa var vinsæll franskur rithöfundur, leikskáld og tónskáld. Hún fæddist í París árið 1773 utan hjónabands, en móðir hennar var kunn óperusöngkona og faðir hennar Charles-Jean de Champgrand markgreifi. Hún ólst upp hjá föður sínum og lærði ung tónsmíðar og söng.

Hún kvæntist á laun ungum aðalsmanni, Jules de Rohan-Rochefort, en það varði stutt því í frönsku byltingunni var hann hálshöggvinn eins og margir aðrir stéttarbræður hans. Eignaðist hún eitt barn með honum sem dó í æsku árið 1797. Til að sjá fyrir sér eftir byltinguna hóf hún að skrifa sögur og leikrit, auk þess sem hún samdi tónlist.

Árið 1801 kvæntist hún aftur, manni að nafni Claude-Henri de Saint-Simon. Það hjónaband entist ekki og þau skildu. Þá kvæntist hún í þriðja sinn rússneskum barón, de Bawr, en hann lést af slysförum skömmu síðar. Lifði hún þá af list sinni uns franska ríkið veitti henni eftirlaun. Urðu mörg verka hennar mjög vinsæl, bæði ritverk og tónsmíðar. Til marks um það þá var tónverk hennar Suit d'un bal masqué flutt opinberlega alls 246 sinnum á árunum 1813 til 1869.

Eftir hana liggja mörg merk rit, m.a. ævisaga hennar, bæði opinská og upplýsandi um þá tíma sem hún lifði. Þá skrifaði hún Sögu tónlistar og Alfræðiorðabók kvenna.

Ingólfur B. Kristjánsson les.

Sækja fyrir almennar tölvur

Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.

Sækja fyrir spjaldtölvur og snjallsíma

Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.

Lengd : 01:19:30 76,4 MB

Brúðför eða banaráð




Þessa sögu fengum við úr Sögusafni Ísafoldar 1893 og þrátt fyrir að þýðingin sé komin til ára sinna þá er hún bæði vel unnin og nútímaleg og ætti því ekki að trufla neinn. Sagan byggir á raunverulegum atburðum úr byltingasögu Ungverja gegn Austurríska heimsveldinu.

Við á Hlusta.is flettum upp í sagnfræðinni og komumst að því að þó hér sé um skáldverk að ræða þá stemmir margt í sögunni. Lúðvík (Lajos) Batthyanay greifi var fyrsti forsætisráðherra Ungverjalands og átti í átökum við Habsborgarana. Ólíkt því sem kemur fram í sögunni var hann þó giftur og það var einmitt kona hans sem smyglaði sverði inn í fangelsið sem hann notaði til að reyna að fyrirfara sér sem mistókst eins og fram kemur. Að öðru leyti viljum við þó ekki gefa neitt upp um söguþráðinn.

Höfundur sögunnar teljum við vera franska blaðamanninn og ritstjóa Le Matin Stéphane Lauzanne (1874-1958). Hann var meðlimur í sendinefnd Frakka til Bandaríkjanna meðan á fyrri heimstyrjöldinni stóð og við lok síðari heimsstyrjaldarinnar var hann svo dæmdur í 20 ára fangelsi fyrir að hafa unnið með óvinunum.

Ingólfur B. Kristjánsson les.

Sækja fyrir almennar tölvur

Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.

Sækja fyrir spjaldtölvur og snjallsíma

Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.

Lengd : 00:32:10 15,5 MB

Gull-ey




Sagan Gull-ey er spennandi og rómantísk örlagasaga þó stutt sé. Hún hefst á því að ungri hefðarstúlku, Adèle Valincourt, er rænt úr lest af stórum og ófrýnilegum manni. Enginn veit hver þessi maður er eða hvað honum gengur til. Adèle, sem er lofuð hinum auðuga Mornas hertoga, er í öngum sínum og fær um margt að hugsa í prísund sinni. En svo er bara að hlusta og heyra hvernig þetta fer allt saman.

Smásaga þessi birtist fyrst á íslensku í Þjóðviljanum og var svo gefin út í bók árið 1910.

Edith Rickert (1871-1938) var miðaldafræðingur og einkum kunn fyrir vinnu sína varðandi Chaucer, en eftir hana liggur m.a. átta binda verk þar sem hún textarýnir sögurnar og skrifar inngang. Auk þess skrifaði hún smásögur, ljóð, ritgerðir, endurminningar og bókmenntagagnrýni.

Hallgrímur Indriðason les.

Sækja fyrir almennar tölvur

Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.

Sækja fyrir spjaldtölvur og snjallsíma

Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.

Lengd : 00:33:41 32,3 MB

Ástamál Marcellots liðsforingja




Sagan gerist í Frakklandi á þeim tíma þegar Napóleon Bonaparte réði þar ríkjum (1799-1815). Hér segir frá liðsforingjanum Marcellot, Garosse ofursta, konu hans Veroniku og dóttur þeirra Virginíu. Þá birtist sjálfur Napóleon okkur í húsflugumynd. Já, hér verða óvæntir endurfundir alls ráðandi ásamt hreint yfirþyrmandi rómantík sem ekki er annað hægt en að hafa gaman af. Það verður enginn svikinn um einlæga skemmtun hér.

Saga þessi birtist fyrst á íslensku í Þjóðviljanum og var svo gefin út í bók árið 1910. Um höfundinn D. H. Parry vitum við lítið en eftir því sem við komumst næst virðist hann hafa verið nokkuð vinsæll höfundur í Bretlandi á fyrri hluta 20. aldar. Af öðrum sögum eftir hann má nefna With Haig on the Somme, Gilbert the Outlaw og The Scarlet Scouts.

Hallgrímur Indriðason les.

Sækja fyrir almennar tölvur

Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.

Sækja fyrir spjaldtölvur og snjallsíma

Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.

Lengd : 00:34:28 33,1 MB

Spegillinn í Venedig




Hér er um að ræða stutta og rómantíska sögu með ofurlítilli dulrænu sem gerist í Feneyjum. Smásaga þessi birtist fyrst á íslensku í Þjóðviljanum og var svo gefin út í bók árið 1910.

Muriel Hine (1873-1949) var breskur rithöfundur sem skrifaði undir eigin nafni og dulnefninu Mrs. Sidney Cox eftir að hún kvæntist, og einnig dulnefninu Nicholas Bevel. Naut hún töluverðra vinsælda og eftir einni bóka hennar, Fifth Avenue Models, var gerð kvikmynd, en það var á tímum þöglu myndanna. Sögur hennar voru oft og tíðum fantasíukenndar og þá endurspeglaði hún baráttu kvenna og sjónarmið femínista í sumum bóka sinna.

Hallgrímur Indriðason les.

Sækja fyrir almennar tölvur

Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.

Sækja fyrir spjaldtölvur og snjallsíma

Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.

Lengd : 00:26:18 25,3 MB

Veðmálið




Veðmálið er stutt en afar skemmtileg og smellin smásaga sem birtist í bók árið 1907 sem gefin var út af Prentsmiðju Ísafoldar og Hafnarfjarðar. Er höfundar ekki getið.

Sagan hefst á því að tveir menn sitja saman á veitingastað og annar þeirra les þar frásögn um mann sem villti svo á sér heimildir að jafnvel nánustu skyldmenni hans þekktu hann ekki. Upp úr þessum samræðum kviknar svo óborganleg hugmynd sem þið skuluð endilega hlusta á.

Ingólfur B. Kristjánsson les.

Sækja fyrir almennar tölvur

Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.

Sækja fyrir spjaldtölvur og snjallsíma

Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.

Lengd : 00:17:16 15,8 MB

Gimsteinaþjófnaðurinn




Sagan Gimsteinaþjófnaðurinn er spennandi sakamálasaga með nokkuð óvæntum uppákomum eins og allar slíkar sögur eiga að hafa. Sex smarögðum er rænt frá Drake Harvey úr læstri skúffu í gistihúsinu þar sem hann býr. Engir aðrir koma til greina en þeir sem búa þar með honum og nú er sjá hvort hann geti komist að því hver þjófurinn er.

Smásaga þessi birtist fyrst á íslensku í Þjóðviljanum og var svo gefin út í bók árið 1910. Ekki gátum við fundið neinar upplýsingar um höfundinn þrátt fyrir leit.

Hallgrímur Indriðason les.

Sækja fyrir almennar tölvur

Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.

Sækja fyrir spjaldtölvur og snjallsíma

Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.

Lengd : 00:26:53 25,8 MB

Sendiförin




Sagan Sendiförin er spennandi og rómantísk örlagasaga þó stutt sé. Þar segir frá manni að nafni Masters sem bjargar lífi indíánans Kenens sem er síðasti einstaklingurinn sem eftir er af hans ættbálki. Fær Masters svo Kenen til að koma með sér og lítilli dóttur sinni þangað sem Masters býr og stundar verslun. Það verður úr en skömmu síðar veikist dóttir Masters og þá eru góð ráð dýr. Nú er bara að hlusta og heyra hvernig þetta fer allt saman.

Smásaga þessi birtist fyrst á íslensku í Þjóðviljanum og var svo gefin út í bók árið 1910.

Edith Rickert (1879-1964) var enskur rithöfundur og bókaútgefandi og stýrði lengi vel hinni virtu bókaútgáfu Cassel & Co. Hann skrifaði bækur um George Friedrich Handel, Franz Schubert og Arthur Sullivan

Hallgrímur Indriðason les.

Sækja fyrir almennar tölvur

Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.

Sækja fyrir spjaldtölvur og snjallsíma

Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.

Lengd : 00:28:06 27 MB

Ferðafólkið




Ferðafólkið er áhugaverð saga sem segir frá stúlkunni Helenu Werbach sem elst upp við allsnægtir í München. Faðir hennar er auðugur viðskiptamaður og hún er lofuð myndarlegum og vel ættuðum foringja í hernum. Framtíðin er björt og lífið brosir við henni. En þá gerist það að faðir hennar er sakaður um fjármálamisferli og verður gjaldþrota. Allt í einu snýst líf hennar um koll og ekkert er sem áður var. Nú er að sjá hvernig henni reiðir af.

Sagan birtist árið 1907 í bók sem gefin var út af Prentsmiðju Ísafoldar og Hafnarfjarðar. Er höfundar ekki getið.

Ingólfur B. Kristjánsson les.

Sækja fyrir almennar tölvur

Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.

Sækja fyrir spjaldtölvur og snjallsíma

Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.

Lengd : 01:25:40 78,4 MB

Rauðviðarlíkkistan




Í þessari stuttu en stórskemmtilegu sögu segir Chekhov frá Pétri Panikhidin sem hefur mikinn áhuga á yfirnáttúrulegum hlutum. Eitt sinn er hann fer á miðilsfund fær hann þau skilaboð að handan að hann sé feigur og eigi að búa sig undir dauðann. Eftir fundinn heldur hann áhyggjufullur heim á leið og þegar þangað er komið bregður honum illilega í brún.

Sagan birtist í íslenskri þýðingu í tímaritinu Syrpu árið 1912.

Anton Chekhov (1860‐1904) var rússneskur smásagnahöfundur, leikritaskáld og læknir. Hann var gríðarlega vinsæll í Rússlandi meðan hann lifði og er enn í dag eitt af stóru nöfnunum í rússneskum bókmenntum. Vilja margir meina að Chekhov sé einn fremsti smásagnahöfundur sem uppi hafi verið. Stíll hans er oftast látlaus, en styrkur hans felst einkum í því sem hann velur að segja og kannski enn frekar í þögnunum og því sem hann velur að segja ekki.

Ingólfur B. Kristjánsson les.

Sækja fyrir almennar tölvur

Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.

Sækja fyrir spjaldtölvur og snjallsíma

Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.

Lengd : 00:12:53 11,8 MB